"يوميات سوسة ................. الحلقة التانية "

ازيكم يا بشررررررررررررررررررررررررر عارفة انى غلسة عشان مردتش على التعليقات فى بوستات كتير ....... بس انا قولت ادخل اكتب بوست يمكن نشاطى يرجع من جديد وارد بقى على الكومنتات ويبقى عندى شوية من اللى لونة احمر ههههههههههههههه

النهاردة بوست مهم ااااااااااااااااااااااااوى بوست عنى انا وجيجى اختى العسولة اللى بموت فيها ........ واسمع سلااااااااااااام كبير اوى يا عيال للدكتورة جيجى ......... بجد انا بحبك اوى يا جيجى اينعم احنا عاملين زى القط والفار بس منقدرش نستغنى عن بعض انا الحلة وانتى الغطا ههههههههههههههههه يلا خليها تيجى تجرى ورايا هنا بقى كمان ...... اهى المدونة واسعة اوى

احكيلكم بقى عنى وانا صغيرة شوية ........ اول ما جت جيجى للدنيا كنت فرحانة بيها اوى حسيت انى مبقتش وحدى ....... لا وكمان لقيت حد اجندة فى جيشى الصغنن فى حروبى المعفرتة ههههههههههههههه ....... كنت دايما عاوزاها تبقى شقية بس للاسف كانت هادية وغلبانة هههههههههههههه قولت البت دى هتبوظلى كل خططى ولا اية ........ لازم تبقى شقية اوى ....... بقيت اجر شكالها ....... ههههههههههه واول ما بدات تبقى عفريتة .........ههههههههههههههههههه ياااااااااااااااة حسيت بفرحة الانتصار المحقق بس جت عليا فترة كنت بحس ان ماما بتهتم بيها اكتر منى ........ ودار بينى وبين زوزو هذا الحوار ::::::::::::::::::

ماما زوزو : مالك ياسوسة ساكتة لية مش عادتك ....... وتضحك

سوسة : مفيش عادى يعنى ( اية مش عادتك دى يا زوزو فاكرانى خلاص بقيت غلبانة وضعيفة وجيشى اتفرق واعوانى سابونى ........ لا طبعا دة انا بخطط لشىء جديد) كل دة فى سرى

زوزو : شكلك زعلانة انا عارفاكى ....

سوسة : اة زعلانة طول الوقت تلعبى مع جيجى ..... وتضحكى معاها وانا فين بقى ؟ اخدت جنب و قعدت اعيط ( طبعا اوعوا تصدقوا دموعى دة عشان اشتت انتباة اللى قدامى عن شقاوتى منقطعة النظير )

زوزو: يا حبيبة ماما مفروض انتى بقيتى انسة كبيرة اهو .... وتضحك

سوسة : ابص لجزمتى ..... معرفش لية .....ههههههههههه انسة اية يا زوزو عاوزانى اكبر كمان ........ انا لسة عيلة

زوزو: عيلة ! طيب يا عيلة انتى لية زعلانة ؟

سوسة : اية دة كل شوية اقول السبب صوتى وجعنى ههههههههههههههه

زوزو : طيب بابا هياخدك معاة رحلة النهاردة طالعينها

سوسة : وانتى يا زوزو انتى وجيجى ؟

زوزو : لا انا مينفعش امشى ولا جيجى ينفع تيجى خايفة عليها

سوسة : ومش خايفة عليا انا ؟!

زوزو : تضحك وتقولى طبعا بخاف عليكى ........... بس جيجى صغننة ولازم اخد بالى منها برضو

رحت على اوضتى ........ وطلعت شنطتى الصغننة ......... وقررت احضر حاجة الرحلة ...... يوووووووووة زوزو مبقتش تحضرلى شنطتى الصغننة وتقولى انا كبيرة .... طمعانة اساعدها كمان فى شغل البيت ....... اية يا اخواتى دة

فى الرحلة ......... اول مكان رحناة حديقة الحيوان ........... ياااااااااااااااة لو كنت اعرف ان علاقتى هتتوثق بالمكان دة وادخل بيطرى مكنتش حبيتة وانا صغيرة ههههههههههههههههههه

بابا على : يلا يا سوسة ناكل الزرافة الجزر بتاعها

سوسة : استنى انا هطولها من غير ما تشيلنى

بابا على : مينفعش انتى صغيرة

سوسة : ماما بتقولى انى انسة كبيرة

بابا : تعالى يا لمضة ....... اكلت الزرافة واتصورت وانا باكلها .......... صورة امورة خالص

كنت معجبة جدا بالحمار الوحشى ......ههههههههههههههه معرفش لية ......... وكنت مسمياة" محطط "

رحنا عند القرود ........ بابا يقولى : عارفة يا سوسة انتى شقية تمام زى القرود

سوسة : عيب يا على انا كبيرة قرود اية بس

بابا : عيب يا على ههههههههههه طيب يا قردة

اكتر حاجة اى حد بيلاحظها فى صورى وانا صغيرة ...... الابتسامة الماكرة والوجة البرىء ااااااااااااوى اللى وراة عقلية طفولية اجرامية محكمة هههههههههههههههههههه وهذا يذكرنى بمشهد فى الحضانة ::::::::

الحقيقة جيت فى يوم كنت مش عاوزةاعمل واجب الحضانة وكمان زوزو معرفتش تخلينى اعملة لانى عملتلها فرح وقعدت اعاند ............. المهم قالتلى كدة هتتعاقبى من المس ......... انا بقى طنشت وقولت متقدرش تعملى حاجة والصراحة كنت مشغولة بتفرج على ماما نجوى وبقلز وشوية ماما سامية ......

تانى يوم فى الحضانة :

المس : مين معملش الواجب؟

سوسة : انا

طول عمرى بحب اتصدر اخبار الناس هههههههههههههههه احب اظهر كدة واتالق

المس : لية ؟

سوسة : مش عاوزة اعملة

المس : طب تعالى

المهم قالتلى هتودينى اوضة العفريت .......... انا بقى مكنتش خايفة .......بالعكس قولتلها بجد ههههههههههههههه عاوزة اشوف العفريت .......... المهم ودتنى اوضة المدرسات ..........هههههههههههه انا بقى مخلش عليا الكلام ......... وفضلت هناك ساعة مستنية العفريت هههههههههههههههه

المهم المس كانت هتموت منى ........ قالتلى ازاى مخفتيش

قولتلها اخاف من اية ....... وبعدين لية العفريت مكنش موجود ........ مش دى اوضتة ؟

بصتلى بغيظ وقالتلى طيب ........ تعالى نرجع مفيش عفاريت

لا ازاى انتى قولتى هنروح اوضتة العفريت .......كدة يا مس الكدب حرام وانتى اللى قولتى كدة ........ وبابا كمان قالى الكدب حرام

كنت هشلها بجد ههههههههههههههههه بس الحقيقة يعنى مكنش فى داعى نروح اوضة العفريت ....... منا كنت معاها ههههههههههههههههههه

يلا معلش حلقة صغننة كدة ........... بس فى انتظار رجوع نشاطى من جديد ........ كان معكم سوسة من خلف الكبشة ..... استوديو " كيف تجعل ابنك شقى " .......... حلقات شقية جداااااااااااااااااااااااا هههههههههههههههه سلاااااااااااااااااااااااااام